*സമ്മിലൂനീ

വെളിപാടിന്റെ വിഹ്വലതയാൽ

ഞാനെന്റെ കനമുള്ള ആത്മാവുമായി

ഓടി നിന്നിലേക്കെത്തിയത് ഒരു പുതപ്പിനായല്ല.

മുഴുനിലാമരുവിലെ മണൽക്കൂനയിലെന്നപോൽ

നിന്റെ മാറിൽ പുതയുവാനാണ്.

സഖീ..

എനിക്കെന്റെ ശരീരം മാത്രമാവണം

നീ നിന്റെ തഴുകലാൽ എന്നിലെ വെളിപാട് അലിയിച്ച്കളയൂ.

*സമ്മിലൂനീ = എന്നെ പുതപ്പിക്കൂ – വെളിപാടിനാൽ വിഹ്വലനായ പ്രവാചകൻ മുഹമ്മദ് ഭാര്യ ഖദീജക്കരികിലേക്ക് ഓടിയെത്തിയിട്ട് പറഞ്ഞ വാചകം. “സമ്മിലൂനീ ഖദീജാ”